విషయం లేక,
పదాలు దొరక్క,
కవితంతా ఖాళీ!
చిధ్రమైన అనుభవాలు,
గల్లంతైన జ్ఞాపకాలు,
గతమంతా ఖాళీ!
నీవులేనప్పుడు,
నిండుకున్న గుండెలో,
ప్రాణమంతా ఖాళీ!
‘కవిత’ అనే వర్గంలోని టపాలు
ఖాళీ!
Posted in కవిత on మార్చి 10, 2013 | Leave a Comment »
మరణ శాసనం
Posted in కవిత, tagged poem on జనవరి 31, 2013 | Leave a Comment »
అర్దం కానిదేదో
మనసునిండా చేరి దగ్ధం చేస్తోంది
చేతికందుతూనే
చేరువైనదేదో చేజారిపోతోంది
దారిచూపిందల్లా
జాడలేకుండా చేసి మాయమవుతోంది
ప్రేమ అనుకున్నదంతా
పాషానంలా మారి మరణ శాసనమవుతోంది
ఓ కవీ మమ్ము క్షమించు
Posted in కవిత on మార్చి 18, 2011 | 5 వ్యాఖ్యానాలు »
నేను సైతం అని నువ్వంటే
నిన్ను సైతం మేము కూల్చేసాం
ఇంకానా అనుకుంటున్నావేమో
ఇంతేనా అని మేమంటున్నాం
మరో ప్రపంచమూహించావ్
ఈ ప్రపంచాన్నుంచి తరిమేసాం
హీనంగా దేన్ని చూడకంటే
విహీనంగా నిన్ను చేసాం
అజ్ఞానపుటంధ యుగంలో
నడిపిస్తే నడిచే మనుషులం
నిన్ను ఆంధ్రున్ని చేసి
పడగొట్టిన అమానుషులం
ఓ కవీ మమ్ము క్షమించు
నవకవనంతో మా కళ్ళు తెరిపించు
అంతా కలేనా!?
Posted in కవిత, tagged కవిత, ప్రేమ on ఫిబ్రవరి 3, 2011 | Leave a Comment »
అంతా కలేనా!?
ఆ పలుకుల జడి
చెంపపై కన్నీటి తడి
అంతా కలే!!
అంతా ఊహేనా!?
మన పచ్చని లోగిలి
నీ వెచ్చని కౌగిలి
అంతా ఊహే!!
అంతా కథేనా!?
పాత మధురాలలోన
తీపి అధరాల జాణ
అంతా కథే!!
ఊహలలోకంలో
Posted in కవిత on సెప్టెంబర్ 21, 2008 | 3 వ్యాఖ్యానాలు »
ఊహలలోకం లోని కలలు, చెదరిన మైకంలోని కథలు
కలం నుండి జారిపడి కాగితం కోసం చూస్తుంటే..
ఈ ‘ అంతర్జాలము ‘ నా అంతరంగాన్ని కనిపెట్టేసింది..
నన్ను కట్టుకోమంటూ నాలుగు మొట్టికాయలు వేసింది..
నేనూరుకుంటానా దాన్ని ఒక టపాతో కట్టిపడేసాను.
